વાઘના વાછડા આમુ આદિવાસી રા.

વાઘના વાછડા આમુ આદિવાસી રા.

ધરતી આમા, અંબર આમા
બધો જ આમો રા.

નોઈ આમા, ડોગા આમા
બધો જ આમો રા.

જંગલ આમા, ઝાડપાન આમા
બધો જ આમો રા.

માંડા ખાનારા આમુ આદિવાસી રા.

આદિવાસી વિદ્યાર્થીઓની સાથે સંવાદ કરતી વખતે  ઉપરોક્ત ગીત સહસા મારે હોઠે ને હૈયે આવ્યા વિના રહેતું નથી. ગીતના રચયિતાએ સભાનપણે એવા અર્થપૂર્ણ શબ્દો મૂક્યા છે કે આ ગીત ગાતી વેળાએ આનંદ અને ગૌરવની લાગણી ન પ્રવર્તે તો જ નવાઈ!

અમે આદિવાસીઓ વાઘ જેવા છીએ. અહી વાઘ શબ્દનો સ્થૂળ અર્થ નહિ બલ્કે પ્રતિકાત્મક રીતે ઉપયોગ કરવામાં આવ્યો છે જેનો અર્થ થાય; અમે પણ વાઘની જેમ નીડર, મજબૂત અને સાહસિક છીએ. જેમ જેમ આગળ વધીએ એમ એમ આદિવાસીઓની ઓળખ અને અસ્મિતા છતી થતી જાય છે. 

આ ધરતી, આકાશ, નદીનાળા, ઝરણાં, પર્વતો, જંગલ અને ઝાડપાન અમારા છે . ટૂંકમાં અમે આ સૃષ્ટિના માલિક છીએ.