"ઓ હો હો હો! જુઓ તો ખરા આ તો દેડકાના ફોટા પાડે છે !"
"હજી ડેંટું તો ખર્યું નથી ને નીકળી પડ્યો કેમેરો લઇને !"
લગ્નની બેઠકમાં બેઠેલા સહુની નજર સવાચાર વર્ષના એક બાળક પર સ્થિર થઈ ગઈ હતી. કેટલાકને હસવું આવતું હતું તો કેટલાક ને આશ્ચર્ય થતું હતું. કેટલાક એની ગતિવિધિઓ પર નજર માંડીને બેઠા હતા તો કેટલાકને મજાક મશ્કરી સૂઝતાં હતા.
ખેર, એ બધાથી લેશમાત્ર વિચલિત થયા વિના એણે પાણીના ટબ નીચે બેઠેલા દેડકા ભણી નજર માંડી ને પૂરી હિંમત ને આત્મવિશ્વાસથી કેનનનો ભારેખમ કેમેરો હાથમા લીધો ને એની પટ્ટીને જમણા હાથના કાંડાંમાં ભરાવી. બે પગ પહોળા કરીને ઘુંટણેથી સહેજ નમાવ્યા. શરીરને પણ કમરેથી સહેજ વાંકું વાળ્યું ને સ્ક્રીન પર દેડકાને બરોબર મધ્યમાં ગોઠવ્યો ને પછી જાણે ફોટોગ્રાફી ગળથૂથીમાં જ ન મળી હોય એમ પ્રૉફેશનલ ફોટોગ્રાફરની અદાથી ફટાફટ ક્લિક કરવામાં મશગૂલ થઈ ગયો.
ટિપ્પણીઓ નથી:
ટિપ્પણી પોસ્ટ કરો